شوفتوا الغباوة بعينها

شوفتوا الغباوة بعينها

Monday, November 06, 2006

"1515" NO COMMENT

من ساعه م ركبت الدش عشان اتفرج علي كاس العالم وانا تقريبا مش بتفرج علي التليفزيون المصري الا لما الريموت بيستهبل ويحول لوحده(وده لسبب بسيط جدا ...ان تليفزيونا اصبح من احد مذهبات العقل - والله هو مش اصبح هو من زمان بس الواحد كان مضطر يتفرج عليه عشان مفيش غيره - اصل تليفزيونا ده يجيب تخلف للي بيتفرج عليه واحيانا لا قدر الله بتتعدي هذه الحاله وتصل الي "عقم,جلطه,سكته قلبيه,......الي باقي الامراض القاتله" بعد الشر عني وعن المسلمين والمصريين اجمعين..... اللهم امين
يوووه ده انا رغاي فحت... ما علينا... المهم نرجع مرجوعنا عشان انا نسيت انا بتكلم عن ايه اصلا.......اه افتكرت
وانا بتفرج ع التليفزيون من يومين كده الريموت عمل الدنيئه معايا وقام محول لوحده هوباا حصلت الكارثه ولقيت شريط الاخبار بتاع القناة الاولي بيعدي وفيه معجزه وشوفت خبر نصه كده " لمعرفه اخر الاخبار اشترك في خدمه مصر موبايل و ارسل رساله فارغه علي رقم 1515 " يا حلاوه هوه ده التطور وهوه الانفتاح وهي دي العولمه
بقي بالزمه مين مغفل مش هيشترك في نفس الخدمه اللي عملاها الجزيرة قبلنا بقرن وهيشترك في تليفزيونا الملاكي(اصله ملك الحزب الوثني الاديمقراطي)
ويا سلام بقي لما تجيلك رساله فيها خبر عاجل تتخض وتتفزع ويبقي نفسك تسمع الخبر اللي في بالك اللي بيقول ان الملك غار في داهيه عشان عزرائيل وحشه...بس لا يا حلو يطلع نأبك علي شونه(نفسي اعرف ايه معناها) ويطلع الخبر من النوعيه اياها:.
تلقي سياده الرئيس محمد حسني مبارك اتصالا هاتفيا من سمو الامير شنكل بن شناكل امير دولة" الواء الواء"(هوه ازاي امير وازاي بيحكم دوله مش المفروض يحكم اماره...وليه الاستغراب ماهو عندنا رئيس بس بيحكم مملكه) بحثا خلاله قضايا الشرق الاوسط وتطرقا الي القضايا ذات الاهتمام المشترك بين البلدين وابلغ سمو الامير فخامة الرئيس تقديره واجلاله لمصر حكومه وشعبا وقياده ( اموت واعرف ايه هي القضايا ذات الاهتمام المشترك... لو حد عرف ياريت يعرفني ينوبكو ثواب في واحد جاهل زيي) وربنا يتولانا ويرحمنا وان شاء الله مايرحمهمش
ويجعله عامر
وعجبي عليكي يا بلد