شوفتوا الغباوة بعينها

شوفتوا الغباوة بعينها

Friday, September 07, 2007

متشكرين أوي يا حكومة

ايوه .................... 1000 شكر يا حكومه وكتر خيرك كمان ع اللي عملتيه
ايوه طبعا لازم أشكر الحكومة بعد اللي هي عملته....................طب وهي عملت ايه بقي ؟
أصل انا الحمد لله اكتشفت ان الحكومه بتسمع كلامي وبتتابع مدونتي كمان
انا قبل كده كنت كتبت موضوع عن الخمور والحشيش واستغربت ليه ان الخمور مسموح ومصرح بها والحشيش لأ
وكنت كمان بطلب ان المفروض يكونوا الاتنين ممنوعين ويبقي عليهم عقوبات مشدده
و الحمد لله أخيرا الحكومه استجابت لطلبي
بس بدل م تمنع الخمور..........لأ دي عملت العكس وصرحت بالحشيش بس هما مش عايزين يقولوا عشان ماتحصلش مظاهرات في البلد
مع اني واثق ان الشعب خلاص بقي عنده لامبالاه وان لو حصلت (ده لو حصلت يعني) مظاهرات هتبقي مظاهرات تأييد للقرار
المهم.....انا كنت في اسكندرية من اسبوعين كده وكنت ماشي ع البحر في المعمورة انا وابن خالتي واتنين صحابه
واحنا ماشيين لاقيت واحد كده فجأة طلع من وسط الشاليهات (وانا كنت اقرب واحد له) وبيسألني : مش عايزين بني يا بهوات؟؟
أنا الصراحه مكدبش عليكوا مفهمتش هو عايز ايه وناديت علي أحمد ابن خالتي قلتله تعالي شوفه عايز ايه
هو سأل أحمد نفس السؤال ولقيت أحمد بيقوله لأ متشكرين معانا.....أنا استغرب هو ايه اللي متشكرين وايه البني اللي معانا ده
سألت أحمد : هو كان عايز ايه ؟........قالي : كان بيسألنا ان كنا عايزين حشيش !!!!!؟؟
سألته وانا هتجنن من الاندهاش م اللي حصل ومن جرأه الواد كمان : هو البني ده قصده به الحشيش؟؟....وهو انت ماشي ومعاك حشيش؟؟
قالي : لأ بس أنت لو ماقلتلوش كده مش هيسيبك الا اما تشتري منه
قلتله : طيب وهو الموضوع ده بقي عادي كده ؟؟.......قالي : يووووه ومن زمان كمان
مش قلتلكوا الحشيش بقي مسموح به
كنا الاول بنشوف علي محلات البقاله والسوبر ماركت يافطه هنا تباع كروت ميناتل
بس من بكره وانت نازل من بيتكوا بص علي نفس المحلات هتلاقيهم معلقين يافطه هنا يباع أجود أنواع الحشيش.....وماتستغربش!!!!!
بكره الحشيش هيتباع زي اللبان واللب في المقلة......وماتستغربش!!!!!
ياتري امتي بقي هنحس علي دمنا ونعرف احنا رايحين فين وفين مصلحتنا وقبل ده كله لازم نرجع لدينا ونعمل الحلال ومانعملش الحرام
شوفتوا بقي احنا وصلنا لايه ؟؟
هي دي مصر يا عجوة..........وعجبي

15 comments:

عصفور المدينة said...

طب كويس ان فيه سلعة متوفرة
وياترى بتغلى برضه ولا فيها محاربة الاستغلال

حازم..بس مش دايما بكون مع نفسي حازم...بس الاكيد ان ضميري هو اللي دايما معايا حازم said...

عصفور المدينة

دي السلعه الوحيده اللي مابتغلاش وده كلام من واحد موثوق فيه وخبره في هذا المجال
كنت بسأله هو الحشيش ده اكيد بيغلي يوم الوقفه علي اعتبار انه الموسم والبلد كلها بتبقي متكيفه فيه ع الاخر
قالي دي الحاجه الوحيده اللي ما بتغلاش انت ممكن تتعب علي ماتلاقيها بس برضه موجوده
يابني دي لو غليت ممكن يحصل انقلاب في البلد
اصل دي الحاجه الوحيده اللي الناس كلها بتستعملها وكمان بتنسيهم اللي بيجري حواليهم
لازم يبقي فيهي محاربه استغلال
انسىىىىىىىىىىى

dondon said...

ومافيش منة الوان غير البنى ياعم عجوة
زمن العجايب والله
ولسة اللى يعيش ياما هيشوف

حازم..بس مش دايما بكون مع نفسي حازم...بس الاكيد ان ضميري هو اللي دايما معايا حازم said...

عجوة!!!
ماشي يا دندوون

اه طبعا في منه أخضر وبأستك من فوق علي فكرة

3ala asm masr said...

كويس والله
احنا فى تقدم مستمر اهو والحمد لله
حسبى الله ونعم الوكيل

حازم..بس مش دايما بكون مع نفسي حازم...بس الاكيد ان ضميري هو اللي دايما معايا حازم said...

علي اسم مصر

الحمد لله عجله التقدم دايره بانتظام وربنا مايعطلنا المراكب السايرة
ويجعله عامر

أميره..من غير قصر و لا بستان و لا الشاطر حسن كمان said...

ده احنا متشكرين متشكرين متشكرين :)
ايه الحلاوه دى ده احنا بلدنا متنطوره مش متطوره
ههههههههههههههههههههههههههه
بس متخيلتش ان الموقف ده يحصل ف ارض الواقع ومع حد اعرفه كمان
دى مصيبه و فعلا ربنا يحفظنا

حازم..بس مش دايما بكون مع نفسي حازم...بس الاكيد ان ضميري هو اللي دايما معايا حازم said...

واهو حصل يا أميرة
وتم نشره كما هو وبدون ادني تدخل من الرقيب او المحرر في المضمون
ولكن بقليل من التدخل لازاله بعض الالفاظ الخارجه

دي مش مصيبة.....دي مصر يا عجوة

Marwa said...

والباقية تأتي يا حازم ومتستعجبش من اي حاجه زي كده تاني

حازم..بس مش دايما بكون مع نفسي حازم...بس الاكيد ان ضميري هو اللي دايما معايا حازم said...

لا تتعجب.....أنت في مصر

هي دي مصر يا عجوة

Nada said...

ياخبر ابيض
بجد حسبنا الله ونعم الوكييييل
بجد بوست هايل هايل

gehad_fci said...

انا سمعت ان الحشيش اسمه كابتشينو
غيروا اسمه ولا ايه؟
بوست جميل

mk said...

.hi Hazem

the empty heart said...

امبارح كنت قاعد مع اتنين اصحابي و بنسمع نجوم اف ام و بنشرب حشيش
المهم سمعت يونس بيقول ان البلد دخلها 100 كيلو حشيش اتمسك منهم 20 و الباقي اتهرب قالي يا عم البلد كلها بتشرب حشيش و الموضوع مش ان الحكومه بس مسرحه بالحشيش لا دي بتدي ل حبايبها يعني لو انت تعرف امين شرطة ولا ضابط و عارف انك بتتكيف هديك بردو حشيش
و علي راي الشاعر
حبوكش في اللبوكشه عملو مهرجان
بارم خابور لوحده و حطه في برطمان
علي فكرة انا بطلت الحشيش فترة بس رجعته تاني و ناوي ابطله بصراحة بيدمر العلاقتك الشخصيه كفايه كدة

Uouo Uo said...


thx

شركه تنظيف