الحياة المديدة للملك
ده اسم المسرحية اللي عملتها الكليه واللي انا حضرتها من 3 اسابيع تقريبا
ولقيت ان اسمها هو احسن عنوان للموضوع ده.......................ليه؟؟
اصل بكره وعقبالكوا كلكوا....." عيد ميلاد الملك رقم 79 " يااااااااه ربنا ما يطولناش في عمره
وطبعا انا مش محتاج افكركوا به لانه مايتنسيش اصلا..وحتي لو احنا نسيناه الحاشية طبعا مش هتنساه
لأنه - وكالعاده - هنلاقي الجرايد الحكومية " القومية سابقا " هتفرد الصفحه الاولي في صوره واحده ست
مكتوب عليها بالبنط العريض مصر وهي شايله جلاله الملك وجرنال تاني يبقي راسم مصر واحده ست ومكان قلبها
حاطيين صورته ومكتوب عليها عبارات من امثال " ادامك الله زخرا لمصر , وانت في قلب مصر و.......حد يقولي ايه معني زخرا"!!1
طبعا كله كوم واللي هيعمله تليفزيون الرياده كوم تاني...لانه كالعاده برضه وزي كل سنه
هنلاقي فيلم عنتر بن شداد بيتعرض الصبح وفيلم الناصر صلاح الدين بيتعرض بالليل...قال يعني......الحدق يفهم!!1
ده غير برقيات التهنئه من الحاشيه والمنافقين.
وطبعا ما تنسوش ان بكره برضه هيبقي حفل زفاف ولي عهد المملكه...ربنا يرزقه بعيل ويبقي يمسكه امانه السياسات وولايه العهد
وطبعا ده بعد عمر طويل وحياة مديده لجلالة الملك
وكل اما اقعد افكر واقول هو الراجل ده هيتكل امتي .. اتذكر قول المولي تبارك وتعالي في سوره الحج_الايه5
"وَمِنكُم مَّن يُتَوَفَّى وَمِنكُم مَّن يُرَدُّ إِلَى أَرْذَلِ الْعُمُرِ لِكَيْلَا يَعْلَمَ مِن بَعْدِ عِلْمٍ شَيْئاً " صدق الله العظيم
يللا ادعوله ربنا يهديه ويهدينا ويرحمنا جميعا
وكل سنه وانت مش طيب
والسنه الجايه مانحتفلش به وتكون انت عند ربنا وياخد حقنا منك
12 comments:
يا اخي
اصبر
فصبر جميل.والله المستعان
اللهم اكشف عنا الهم والغم والكرب العظيم
والله يا د.خالد انا صابر بقالي كتير
بس في غير مش صابر
وانا خايف ان الواحد ييأس
لانه لو اليأس اتملك مننا يبقي خلاص
مفيش امل
إنه لا ييئس من روح الله إلا القوم الكافرون
والحمد لله نحن مسلمون
ان شاء الله سنصبر
حتى الموت
وسنثبت حتى الموت
ولن يطفئ الحاقدون نور الله بأفواههم
والله متم نوره ولو كره الكافرون
ولو كره المجرمون
ولو كره المشركون
والله المستعان
اخي الكريم د.خالد
انا لسه لم أيأس
وان شاء الله لن أيأس
بس باكد لك ان في ناس كتير يأسوا
لان الاحباطات اللي حولنا كتير جدا
وان شاء الله سنصبر حتي يقضي الله امرا كان مفعولا
والله المستعان
:)))))
شكرا علي مرورك يا طهقانه
طويل العمر يطول عمره وينصره على مين يعاديه هاي هئ
ههههههههههههههههه
ده احلي كومنت ع الموضوع
بس انت نسيتي يزهزه عصره
طويل العمر يطول عمره ويزهزه عصره وينصره علي من يعاديه هاي هئ
هههههههههههههههههه
ربنا يحرقه
:)))))
تفتكر باين انا بدعى على مين ؟؟؟؟
امين يارب
تفتكري انت انه مش باين ؟؟؟
اكيد باين انت بتدهي علي مين
بس ما تخافيش محدش فايق لحد كله مسطووول
فصبرا جميل والله المستعان
علي اسم مصر
ان شاء الله سنصبر حتي يقضي الله امرا كان مفعولا
والله المستعان
Post a Comment